اسئله عفاريتي مستنياك في بيت الرعب -لازم تجاوب- ...

موضوعى النهارده عن
الجن والعفاريت


قبل مانبدا في الموضوع لازم تكون

علي الشروط
ولو

يبقي مع السلامه المنطقه دي للعفاريت والناس اللى مايتخافش
والشروط هي :_


ممنوع تدخل من غير ماتجاوب
ماينفعش تجاوب وتقول انا مش مؤمن بالحاجات دي لأنها جزء من الشرع
وتذكر انك لازم تجاوب علي الأسئلة


بعد موافقتك

اهلا بيكم في بيت الرعب ههههههههههههه
قول في المواقف الجايه دي هاتتصرف ازاي ..


1_ لو طلع لك عفريت في يوم هاتعمل ايه؟

2_ لو حسيت ان في عفريت موجود في المكان اللى انت فيه هاتعمل ايه؟

3_ لو حد قالك انك ملبوس هاتتصرف ازاي؟

4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟

5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟

6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟

7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟

8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟

9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟

10_ اشتريت عربيه وطلع ان واحد كان مقتول فيها؟

11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟

12_ قالولك ان البيت ده مسكون تعالا ندخله هاتدخل ولا لا؟

13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟

14_ احكي لنا عن موقف مع العفارين حصل لك وعمرك ماتنساه؟

15_ شفت حد ملبوس قبل كده؟

16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟

17_ تقدر تروح بيت مسكون وتقعد فيه لوحدك يوم كامل؟

18_ سمعت قبل كده اصوات خوفتك ؟ امتي ؟ وفين؟

19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟

20_ تقدر تروح الاماكن دي بالليل لوحدك ومن غير اى وسيله اتصال بالناس :_

1_ المقابر
2_ جبل في منطقة بعيده
3_ تبقي في مركب في عرض البحر

21_ انت خواف بنسبه كام في الميه؟


22_ ايه اكتر فيلم رعب بتحبه؟

23_ ايه رايك في الصوره دي ؟؟؟



دي اخر صوره تم التقاطها في19 مارس سنة 2010 في قصر هامبوتن المسكون ؟

وكده كفايه عليكم وعايزين نشوف اجابات واتمني التوبيك يتثبت عشان الكل يرد فيه

مستنى إجاباتكم

تحياتىىىى ـــــ